بعد ما تخرجت

السلام عليكم ورحمة الله وبركاته

انا اتخرجت يا جماعة
واستلمت الامتياز كمان
وربنا يسهل والاقي شغل
حاسة ان الدنيا غريبة ومختلفة عن ايام الجامعة
يلا بكرة نبقى دكاترة كبار ان شاء الله
بس اللى بيخلينى اقعد افكر يا ربي كنا بنذاكر ونتعب وفي الاخر مش لاقيين شغل
ولما نشتغل مرتبنا ميكفيش مواصلاتنا
بجد انا لما بشوف العيال بتوع الثانوية العامة وهم هيموتو ويبقو دكاترة ببقى عايزة اقوللهم اتويكسوا بلا خيبة دكاترة مين دول ال10 منهم بقرش دلوقتى
ولا كمان بتوع صيدلة كل ما امشي في شارع الاقي واحد منهم ماشي وشايل شنطة في ايده وبيلف على الصيدليات
ومش ناقصه الا انه يلف على العيادات ويقول معانا خافض لحرارة
معانا المسكنات
يلا كله محصل بعضه المهم اننا عملنا اللى علينا عشان في المستقبل نقول لولادنا اننا كنا بنذاكر ونتعب مكناش خايبين

بداية

الى كل زمايلنا اللى في العلاج الطبيعي سواء طلبة ولا ممارسين ولا اخصائيين مصريين او غير مصريين احنا عايزيين مدونة للعلاج الطبيعي المصرى لكل المصريين وغير المصريين عاوزين مشاركة من كل الناس وبنرحب بكل الاقتراحات من جميع الاعضاء بجد عاوزين نعمل حاجة كويسة وجديد والمهم اننا مش نكون تكرار لغيرنا كل واحد فينا يبقى نفسه ونتعلم من اخطأنا

مع تحيات

dr_mishmish